due
Nel 2019 prima stela Ala riversa
Xe rivà la pandemia e meza gente iera persa
Nel 2020 ancora, per Nadal la xe de novo
Altro giro e altro Covid, che variante ‘desso trovo?
Nel duemilaeventiun, no I se ga areso e per Nadal
Altra stela sotosora e ancora un bic guera Mondial
Nel 2022, le rogne poi xe sta infinite
Xe cascà sul formagin un metro e due de meteorite
Nel 2023 Nadal e stela storta e SBAM!
Iera andà da 5 giorni e ne se ga fermado el tram
Nel 2024 avanti repete, magia
Iera apena terminada, xe blocada l’ovovia
Nel 2025,sempre storta stela in Ciel
E se ga slungà I lavori in galeria de Montebel
Nel 2026 adiritura due ne iera
‘Na matina se sveiemo e I ga riverto la feriera
Ma me son sveià sudà, iera un sogno, cretineti
Che la stela Ala Riversa, son sicuro… no i la meti